PROGRAMA A MANGIPAAY ITI PATAS NGA OPORTUNIDAD ITI PAGTRABAHUAN 

PALAWAG MAIPAPAN ITI PAGALLAGADAN

August 1, 2019

 

Agtalinaed ti Oahu Transit Services, Inc. (OTS) iti akemna iti komunidad a serserbianmi ken kadagiti empleadomi. Kas agpatrabaho a mangipaay iti patas nga oportunidad, ikagumaanmi ti maaddaan kadagiti mangmangged a pumada met laeng kadagiti maserbianmi a komunidad. Awan ti asino man a saan a nainkalintegan ti mapaidaman iti gundaway nga agtrabaho maibasar iti puli, kolor ti kudil, relihion, nagtaudan a pagilian, kinatao (karaman ti kasasaad ti kinatao, orientasion a seksual, ken panagsikog), edad, impormasion iti tinaudan wenno genetic, rangkap iti bagi wenno disabilidad, kasasaad iti kinabeterano, wenno dadduma pay a protektado a kasasaad.

 

Maipakat ti pagallagadan ti OTS Equal Employment Opportunity (EEO) iti amin a benneg iti panangiwayat iti panagpatrabaho, karaman ngem saan a limitado iti panagrekrut, pannakaawat iti trabaho, pannakapili iti panagsanay, promosion, pannakayakar, pannakaibaba iti posision, temporario a pannakapasardeng nga agtrabaho wenno layoff, pannakaikkat iti trabaho, no mano ti aw-awaten a sueldo wenno dadduma pay a klase ti aw-awaten a ganar wenno kompensasion.

 

Addaan karbengan ti empleado wenno aplikante iti trabaho a mamati a nakapadas iti diskriminasion iti panagtrabahona a mangidatag iti reklamo iti  EEO Officer iti OTS, iti Department of Transportation Services wenno iti Office of Civil Rights ti Federal Transit Administration. Ti panangbales iti indibidual  a mangidatag iti reklamo maipapan iti diskriminasion, pannakipartisiparna iti pannakaiwayat ti pannakausig ti diskriminasion iti panagtrabaho (kas iti imbestigasion wenno darum), wenno panangaramid kadagiti aktibidad  ket ipawpawil ti linteg ken saan a mapalubosan.

 

Agtalinaed  ti OTS ti akemna a mangipaay iti maitutop nga akomodasion kadagiti aplikante ken empleado a makasapul dagitoy gapu iti kasasaadda ta addaanda iti  rangkap iti bagi wenno iti wagas ti relihionda nga awan ti rigat nga ibaklay ti OTS.

 

Kas Presidente and General Manager ti OTS, mantenerek ti amin a responsibilidad ken sungsungbatan iti pannakaipatungpal ti EEO Polisia ken Programa ti OTS. Tapno maisiguro ti aginaldaw a pannakaimaneharna, agraman ti pannakaisagana ti programa, pannakamonitor, ken pannakaimbestigar dagiti reklamo, dinutokak ti Director of Civil Rights, Ms. Susan H. Kitsu, a kas  EEO Officer ti OTS. Mabalin a kontaken ni Ms. Kitsu babaen ti email: susan.kitsu@thebus.org wenno awagan iti telepono: 808-768-9491 wenno babaen iti panangidanon wenno relay. Ni  Ms. Kitsu ti direkta nga agreport kaniak ken naikkan iti autoridad a mangtaming iti amin a banag maipapan iti EEO iti amin a lebel ti  administrasion, union dagiti mangmangged, ken dagiti empleado.

 

 

Nupay kasta, amin nga ehekutibo ti OTS, dagiti adda iti administrasion ken dagiti superbisor, responsibilidadda ti tumulong iti pannakayimplementar  ken pannakamonitor ti  EEO Polisia ken Programa ti OTS kadagiti masakupanda ken maitedto kadakuada dagiti bukodda a takem tapno maisiguro ti pannakaipatungplanda. Ti OTS ti mangsukimat  iti gapuanan dagiti manager ken superbisor no nagballaigida ti implementasion kadagiti pagallagadan ken wagas ti OTS, kasta met iti panangadal met laeng ti OTS iti nagapuananda maipapan iti panggep ti organisasion.

 

Agtalinaed ti OTS ti akemna a mangiwayat ken mangbukel iti naisurat nga annuroten iti programa a mangipawil iti diskriminasion a mangituyang kadagiti polisia, kannawidan, ken wagas, a ragpaten iti naituding a tiempo a pagkomitan  ti  EEO Programa a malpas ken madadaanton para iti inspeksion babaen ti asino man nga empleado wenno aplikante nga agtrabaho no makiddaw.

 

Ikumitko a personal ti pagtrabahuan nga agtultuloy ti panangaksionna iti inaldaw a responsibilidadna a mangtrato iti amin nga aplikante ken empleado nga addaan dignidad ken dayaw, kasta met ti panagpapada iti babaen ti pagannurotan nga intuyang ti  EEO polisia ken Programa.

 

________________________________________                                             

J. ROGER MORTON                                                                                   

Presidente Ken General Manager                                                              Petsa