PROKRAMEN ANONO POKU KETIWEN CHON ANGANG
ANNUKUN PORAUSAN

Tisamper 1, 2021 

Oahu Transit Services, Inc. (OTS) amen watte pochokunen an affona pwan aucheani neni e angang ngeni me noun chon angang. Pokiten mi anonopoku ketiwen chon angang, sia achocho ngeni pwe chon angang epwe usun chok met sokkun aramasen ewe neni sia anisi. Ese wwor emon aramas epwe epet seni angang mi suuk faniten an newo, onuwen unuchan, an namanam, chon iaan, fefin ika mwan (pwan pachenong ion ekan sani, mwan, fefin ika ekkoch napanap epwano ren), pwopwo me osukosuken pwopwo, ierin, porausen masowen chaan, teriin inisin me non mwokuran, towu seni soufiiu, efeiengawen non faminii ika nisowu, pwupwunu, nipich, maa punuwan, ika ekkoch pekkin pupunu, aress me rekoton kopwuung, mefian ren epwe ika esapw nounou, oupwuu semirit, porausen nounou moni, fiti mwichen national guard, ika ekkoch pekin mi epetino.

An OTS annuk ren anono ketiwen chon angang mi wwor pochokun wwon pekin foforun angang meinisin, nge ese ukutiw chok ngeni, kutten chon angang, atononga chon angang, fiinin chon fiti sukkun, kekita wiiser ika niwinir, transfer, koturutiw wiiser ika niwinir, asosono mwo, towu seni angang, ukukun niwinir ika pwan ekkoch sokkun wiiwin.

Emon chon angang ika chon amasou taropwen angang mi nuku pwe mi wwor nifinifiningawen angang ngeni mi wwor an pwuung an epwe awora an kottur ngeni noun OTS we EEO Offiser, noun Departmenin Transpoteison Serfisis we EEO Offiser ika ewe Federal Transit Administreison’s Offesin Civil Rights. Efeiengawa emon aramas faniten an otturu ika etipisi, pachenong non an angang nonongoni tipisin nifinifin (awewe ren chosa ika kopuung) ika pwan fiti ekkoch mwokut mi eppet ese mwumwuta esapw pwan pwonukuno.

OTS mi fokkun opochokuna an epwe awora aninis ngeni chon amasou taropwen angang me chon angang rekan oochun angei ekkei sokkun aninis pokiten ewwor terir ika e fetan seni mwuokutun ar namanam, nge esapw osukosuka OTS an epwe awora pwisin ew pukun nenien aninis ren ekkei wewe.

Pokiten ngang Presidenin me Generon Manicherin OTS, wiisen me ai angang ai upwe tumunuochu pwe OTS mi fiti pwan fwori pwunuung an EEO annuk me prokram. An epwe fetanoch mwokutun angangan iteiten raan, pwan fwofworun, masaan, me kutta chosan, uwa finata pwe Letha DeCaires, Directorun an aramas pwuung (Civil Rights), an email letha.decaires@thebus.org, pwe epwe ne noun OTS EEO Offeser. Ms. DeCaires epwe repot ngeniei non pochokunen wiis uwa ngeni ren meinisin kinikinin tumuun, mwichen chon angang (Labor Unions) me chon angang.

Meinisin noun OTS eksekitifs, manichmen me superfisor chon angang, repwe, tumunu fongoni wiisen foforun me tutumunun annukun me prokramen OTS EEO me non nenier kewe pwan atowu ekkewe wiis epwe tumunu ponuwetan angangan. OTS epwe checheki mwokutun noun manicher me superfisor ika re angeoch ne fori an OTS kewe annuk me anongonongen annuk, usun chok napanapen an OTS cheki mwokutur wwon ekkoch mwokutun an ei puraku anongonong.

OTS mi opochokuna an epwe fori me forata ew taropwen prokram an esapw wwor nifinifin an epwe eiteitatiw annuk, foforun me mwokutun, fiti met fifiochun me fansoun epwe fiis, usun met ewe achensi a opochokuna pwan awora ewe Prokramen EEO epwe chechek seni emon chon angang ika chon amasou taropwen angang attun ra tungor.

Ngang uwa pwisin opochokuna an ewe nenien angang epwe mwokutukut wwon wiisan iteiten raan an epwe anonopoku auchean me fonuun chon amasou taropwen angang me chon angang, usun mi afatetiw ika nomw non ach annukun me prokramen EEO.

 

________________________________________                                            _______________

ROBERT YU                                                                                                       Pwinin Maram

Preseten me Generan Manicher