Kakien Ko, Wawen Kejbaroki im Jet Naan in Jibañ Ñan Ri-Uwe

Kakien Ikijen Kōbañ

Enaaj maroñ uwe im ejelok wonaan kōbañ ko emmōn joñaer im rōmaroñ kon iumwin jea ko an ri-uwe ro, ñe ejab iooer wōt, bwe ren jab kobajlok jea ko an ri-uwe ro jet im kaapōnōnōiki er. Ejamin maroñ uwe kobañ ko rōkillep, rōbūlokojkoj, rōkauwatata ak kamijak kilier im rōmaroñ komman an ri-uwe ro jet mijak ak appōnōnō kake. Ejelok kobañ en enaj maroñ bed ilo jikin etetal eo kotaan jea ko im ioon jea ko.  Bukōn 28-2.4, R.O. 1978 (1983 Ed.)

Men in Mour Ko

• Men in Mour ko rej itok ikijen jerbal rōmaron drelon.
• Men in Mour Jiddrik rej bed ilo orror ak kein eppōk im rōmaroñ bed iumwin jea ko ak ioon wōt ri-uwe eo im en jab kaappōnōnōki ri-uwe ro jet.

Ejjab melim eppōk Moña im Dren

Kakien ko an City rej kallimur ke ejjab mālim moña jabdrewōt kain moña im draak dren ak eppōk jabdrewōt kain moña ak dren ñe rejjab bed ilowan nien moña im dren rōt en ejela kilek im bin, en lūbobo ak en mōj pakiji bwe en jab bwōd im lutōk ñe ebaj etal im wōtlok ak emakitkit.

Ejjab mālim kōbataat

Ekkar nan kakien ko an City, ejjab mālim kōbataat ilowan TheBus.

Kein Ronjake ko: Radio, MP3, Kein WakiTaki, Cell Pon, im bar kain ko jet.

Ejjab mālim kōjerbal kein kennaan ko ilowan baj ko ijelokin ñe ri-uwe eo enaj kōjerbale kein ronjake ko bwe en maroñ ejelok ainikien.

Cell pon ko rej aikuj bed ilo vibret im en ejelok ainikien an ring ñe kwoj bed ilowan baj eo.

Jet Waween Kejbarok ko

• Bojak wōt aolep ien bwe emaroñ jidrimkij ak mokaj an bōjrak.
• Drebdreb wōt. Ñe kwoj jutak, drebdreb wōt aolep ien ilo kein drebdreb kan ilowan baj en.
• Ñe ewō jea, jouj im jijōt. Elōñ lok jikin jijōt ilo ien kā ikōtaan 9:00 jippoñ lok ñan 3:00 jota.
• Jab jejanijnij jea elikin an jino ettor baj eo.
• Ñe kwoj jutak nabōj in baj eo, jab kebaake. Aolep ien, kwoj aikuj in kōjerbale crosswalk ko elkin ami to im mootlok jen baj eo.
• Jab jijōt ilal ilo torerein ial iturin jikin baj eo.
• Jab jijōt ilo jikin jikinwe eo.

Waween Kilen Uwe Ilo Wa Kein

• Ñe kwoj jutak, raaklok ñan liktata in baj eo.
• Uraaklok ñan torerein ial en ilo jikin kōttar baj en ñe kwo konaan uwe.
• Ekōnak nuknuk rōōj in boñ bwe ren maroñ lo yok.
• Kejbarok kakien ko im lelok bwe dritto im utamwe ren jijōt ilo jea ko maan.
• Pajinjea ro ren kaiur im repoote ñan baj tūraipa eo ñe ej wor en ej kakkure im jeje ilo kilin baj eo. Jouj im jab kopejpej.

Kakien Eo

• Ejjab mālim uwe jen kejem in drioj eo iliktata in baj eo, mae ien emōj an baj tūraipa eo lewaj mālim.
• Ñe kwojab kōllaiki wonaan ko emōj karoki bwe kwon maroñ uwe ilo baj eo, ak ñe kwonaj kajioñ kōjerbale juon baj pass eo emōj an ejelok koppan im baj transfer eo ejemlok kitien im ejjab maroñ jerbal, kwoj rube kakien ko an eniin joñon level in ej misdemeanor.
• Nitijela ne an Hawaii State emoj an ukote koppan kakien ko ikijen manman im kilen kamōrō ñan baj tūraipa, im renaj maroñ na ruōm kōn Kilaaj C felony, ejjab misdemeanor.
• Jab ektaki kein jerbal ko rōmaroñ kōmman bwil im urur, bokkulok, im kōmman bwe en ākilkil ak walok nemen baijin ak kiaj ilowan TheBus.

[§711-1112] Kōmman bwe en apañ an jerbal wa eo waan ektake jabdrewōt eo emōj an kollaiki wonaan an uwe.

1. Juōn armej eo enaj kōmman jorren im kabōjrake ak kaapañe an rijerbal eo an wa kein waan ektake jabdrewot ilo pablik, enaj wōr ruōn ibben kien, ñe enaj:
   
   1. Meñe elukkun jela, im melele, ak jekdron ak ej wōnmaanlok wōt im kōmman jorren ñan enbwinnin tūraipa eo an wa kein waan jabdrewōt ilo pablik ak
   2. Ej kwalok an lej im kaamijak ilo an kenono eddo ak kakūtōtō mantin, im konaan ire im kōmman jorren ñan enbwinnin tūraipa eo an wa kein einwōt ke kōtōbar eo an ej kamijake, ak kwalok an kajekdron aolep kakien otemjej bwe en kōtōbrak kōnaan in an im kamijake tūraipa eo.
2. Ñan wōt kōtōbrak aikuj kein an section in, naan kein, “public transit vehicle” ak "waan ektake jabdrewōt ilo pablik", rej kalikkar wōt ke rej bar waan ad jibañe ro ewōr aer utamwe, im emaroñ jabdrewōt wa ko, ñe baj in jikuul ak taxi, im rej jerbal ñan ektak pajinja ro rej kōllaiki wonaan ko ekkar ñan karōk ko an kien ne an eniin.
3. Eo ej kabōjrake ak kaabañe tūraipa eo an kōmmane jerbal ko an ikijen wa kein waan ektake jabdrewōt ilo pablik, renaj nota-ki kōn kilaaj C felony jorren eo.

[L 1996, c 87. §3]