PLETE DAGITI AGTUTUBO
Epektibo: 1/1/23
Dagiti agtutubo ket agtawen iti 6-17 (kasapulan ti pammaneknek). Dagiti agtutubo ti pakairamanan dagiti estudiante iti sekundaria agingga iti agtawen iti 19 nga addaan iti balido nga ID iti eskuwelaan a sekundaria wenno pammaneknek iti panagenrolna. Kasapulan ti Youth HOLO Card tapno agbalin a kualipikado para iti naipalaka a plete.
Ti Youth HOLO Card ket mabalin a magatang iti Satellite City Halls wenno iti Transit Pass Office no addaan iti pammaneknek iti edad ken ID nga addaan ladawan a naggapu iti Gobierno. Kasapulan ti Youth Fare Form
Agpa-reload ti Youth HOLO Cards iti HOLO retail location, www.holocard.net, wenno umawag iti 808-768-4656
Plete a Cash $1.50
Bayadan ti plete apaman a makalugan. Masapul nga ipakita ti pasahero ti Youth HOLO Card-da tapno makabayadda iti naipalaka a plete.
LIBRE ti plete ti maysa (1) nga ubing nga agtawen iti 5 agpababa no kaduana nga aglugan ti agplete a pasahero ken saan a mangukopar ti tugaw.
HOLO CARD
Bayad ti HOLO Card $2.00
Bayad para iti umuna ken pannakasukat ti card
Plete a Maminsan $1.50
Karaman ti 2.5 oras a saan a nalimitaran a panagakar-akar.
Bayadan iti Maysa nga Aldaw $3.75
No nabayadanen daytoy a gatad, awanen ti nayon a bayadan para iti dayta nga aldaw.
7 Aldaw a Pases $15.00
Bayadan iti Makabulan $40.00
No nabayadanen daytoy a gatad, awanen ti nayon a bayadan para iti dayta a bulan.
Pases iti Makabulan $40.00
Magatang iti retail locations
Makatawen a Pases $440.00
Magatang iti Transit Pass Office wenno umawag iti 808-768-4656.
Dagiti pases a nagatang kalpasan iti maika-20 iti bulan ket mabalinto nga usaren mangrugi iti umuna nga aldaw iti sumaruno a bulan.
Ti Youth HOLO card ket agpaso iti Hunio 30 kalpasan a madanon ti agtutubo ti edadna a 18 wenno iti kaaldawan ti panagkasangay ti agtutubo no naiyyanak kalpasan ti Hunio 30. Pangaasiyo ta idatag ti pammaneknek a nakaenrol iti sekundaria no ti agtutubo ket agtawen ti 18 wenno 19.
Kasapulan ti ID iti Estado ti Hawaii, Lisensia iti Panagmaneho/Permiso, Sertipiko ti Nakayanakan (agraman iti ID nga adda ladawanna) wenno Pasaporte tapno mapaneknekan ti edad. Ti nagannak wenno legal nga agay-aywan iti ubing ket mabalinna ti agaplikar para iti pases ti agtutubo a kasapulan ti ID a naggapu iti Gobierno nga adda ladawanna ken ti ID ti ubing.